Նշանակությունը՝ կալցիումի և բորի պարունակությամբ հեղուկ պարարտանյութ է:

Ազդող նյութերը՝ ֆոսֆոր (P2O5) – 15 %, կալցիում (CaO) – 6,5%, բոր (B) – 0,3%:  

Արտադրող՝ «Արվենսիս Ագրո» ՍՊԸ, Կարրետերա Կաստելլոն 212.1, 50740 Զարագոսա, Իսպանիա:

Պատրաստուկային ձևը՝ հեղուկ: Զուտ քաշը՝ 5լ:

Պատկանում է վտանգավորության 4-րդ դասին:

Մանիպուլյացիոն նշանները՝ տես տարայի վրա:

Նույնականացման կոդը՝ տես տարայի վրա:

Կիրառվում է գյուղատնտեսական մշակաբույսերի պարարտացման  համար: Արագ ներծծվում է բույսի բոլոր օրգանների մեջ:

Պահպանել երեխաների համար անհասանելի, չոր, լավ օդափոխվող տեղում՝ -5°C… +35°C ջերմաստիճանում:

Համատեղելիությունը՝ համատեղելի է պարարտանյութերի մեծ մասի հետ, չի համատեղվում պղինձ պարունակող պատրաստուկների հետ (բորդոյան խառնուրդ, պղնձարջասպ և այլն):

Անվտանգության կանոնները՝ պարարտանյութի հետ աշխատանքները պետք է իրականացվեն անհատական պաշտպանիչ միջոցների օգտագործմամբ: Արգելվում է պարարտանյութի տեղափոխումը այլ մթերքների հետ: Թափվելու դեպքում պարարտանյութն անհրաժեշտ է ծածկել ավազով կամ փայտի թեփով, ապա հավաքել և դատարկ տարաների հետ տեղափոխել համապատասխան վնասազերծման վայր:

Առաջին օգնություն՝ թունավորման ախտանիշներից են` քրտնարտադրություն, ընդհանուր թուլություն, գլխապտույտ և գլխացավ: Թունավորման նշանների դեպքում անձին դուրս բերել աղտոտված տարածքից, հանել աղտոտված հագուստը, մեծ քանակությամբ հեղուկ տալ, արհեստական փսխում առաջացնել: Մաշկի վրա և աչքերի մեջ ընկնելու դեպքում 15 րոպե լվանալ հոսող ջրի տակ, ապա դիմել բժշկի օգնությանը:

Թափված պեստիցիդների վնասազերծման եղանակները՝ Թափվելու դեպքում պատրաստուկն անհրաժեշտ է ծածկել ավազով կամ փայտի թեփով, ապա հավաքել և տեղափոխել համապատասխան վնասազերծման վայր:

Դատարկ տարաների վնասազերծման եղանակները՝ դատարկ տարաների ոչնչացումից առաջ անհրաժեշտ է դրանք 3 անգամ ողողել մաքուր ջրով, ապա տեղափոխել համապատասխան վնասազերծման վայր: