Նշանակությունը՝ հեղուկ պատրաստուկ է, որի ֆունկցիան բույսերը ցրտահարությունից պաշտպանելն է:

Ազդող նյութը՝ օրգանական թթուներ - 40%:  

Արտադրող՝ «Արվենսիս Ագրո» ՍՊԸ, Կարրետերա Կաստելլոն 212.1, 50740 Զարագոսա, Իսպանիա:

Պատրաստուկային ձևը՝ հեղուկ: Զուտ քաշը՝ 5լ:

Պատկանում է վտանգավորության 4-րդ դասին:

Մանիպուլյացիոն նշանները՝ տես տարայի վրա:

Նույնականացման կոդը՝ տես տարայի վրա:

Պատրաստուկն ազդում է բույսերի վրա մեմբրան ստեղծելով, ինչը կանխում է ջրի կորուստը, հետևաբար նաև բույսերի ցրտահարությունը: Scudor-ը չի խոչընդոտում բույսերի շնչառությանը և պտուղների ձևավորմանը:

Պահպանել երեխաների համար անհասանելի, չոր, լավ օդափոխվող տեղում՝ 5°C… +40°C ջերմաստիճանում:

Համատեղելիությունը՝ արգելվում է պատրաստուկի համատեղ կիրառությունը պարարտանյութի և թունաքիմիկատի հետ, քանի որ այն մնում է բույսերին կպած և կարող է փոփոխել վերջինների ազդեցությունը:

Անվտանգության կանոնները՝ պարարտանյութի հետ աշխատանքները պետք է իրականացվեն անհատական պաշտպանիչ միջոցների օգտագործմամբ: Արգելվում է պարարտանյութի տեղափոխումը այլ մթերքների հետ:

Առաջին օգնություն՝ թունավորման ախտանիշներից են քրտնարտադրություն, ընդհանուր թուլություն, գլխապտույտ և գլխացավ: Թունավորման նշանների դեպքում անձին դուրս բերել աղտոտված տարածքից, հանել աղտոտված հագուստը, մեծ քանակությամբ հեղուկ տալ, արհեստական փսխում առաջացնել: Մաշկի վրա և աչքերի մեջ ընկնելու դեպքում 15 րոպե լվանալ հոսող ջրի տակ, ապա դիմել բժշկի օգնությանը:

Թափված պեստիցիդների վնասազերծման եղանակները՝ թափվելու դեպքում պատրաստուկն անհրաժեշտ է ծածկել ավազով կամ փայտի թեփով, ապա հավաքել և տեղափոխել համապատասխան վնասազերծման վայր:

Դատարկ տարաների վնասազերծման եղանակները՝ դատարկ տարաների ոչնչացումից առաջ անհրաժեշտ է դրանք 3 անգամ ողողել մաքուր ջրով, ապա տեղափոխել համապատասխան վնասազերծման վայր: